CAB memoria historica eu

Memoria historikoa

intro memoria historica eu

1956ko urrian Uribarri-Ganboako urtegia eraikitzeko lanak amaitutzat jo ziren, eta 1958ko udan inauguratu zuten.

 

Proiektu horren hastapenak 1930ean izan ziren. Izan ere, urte horretan Manuel Uribe-Etxeberria ingeniariak Zadorra ibaiaren uren sistema erregulatzaile bat eraikitzeko emakida bat eskatu zuen ur emaria Bilbora eta haren eskualdera aldatzeko, elektrizitatea sortzeko eta industriako eta etxeko kontsumorako erabiltzeko. Emakida hori 1934ko uztailaren 17an gauzatu zen, eta 75 urterako eman zen, hau da, 2009ra arte.

 

memoria historica del embalse de ullibarri gamboa
memoria historica del embalse de ullibarri gamboa
 
 

Gerora, 1945eko martxoan,  Bizkaiko Labe Garaiak eskuratu zuen emakida hori, eta Saltos y Aguas del Zadorra enpresaren bidez kudeatu zuen. 1947an lanak hasi ziren, bai eta horrek zekartzan lur desjabetzeak ere. 1962an, CorporaciĆ³n Administrativa Gran Bilbao enpresari saldu zizkion bere eskubideak, etxeko eta industriako kontsumokoak, eta ondoren, 1969an, Iberduerori ekoizpen hidroelektrikoari dagozkionak.

 

memoria historica del embalse de ullibarri gamboa

 

Urtegia eraikitzearen ondorioz Ganboako Udala desegin egin zen, eta Arratzua-Ubarrundiako, Burgeluko eta Barrundiako ondoko udalerrien artean banaturik geratu zen. Haietako herri batzuk, Mendizabal eta Zuhatzu Ganboa, urperaturik geratu ziren, eta beste batzuk, aldiz, jendez hustu ziren lurrik gabe geratu zirelako, hala nola, Azua, Larrintzar eta Garaio. Langara Ganboa, Marieta eta Mendixur herriek iraun egin zuten, baina mugarteak oso murriztuta geratu zitzaizkien. Orenin uharte bihurtu zen, eta, beraz, ez zen bizitzeko egoki geratu.

 

Arratzua-Ubarrundiako udalerrian ere izan zuen eragina urtegia eraikitzeak, presa haren herri nagusian eraiki baitzen, Uribarri Ganboan. Herrigunearen eta haren lurren zati handi bat urpean geratu zen, eta Landa herritik, berriz, egun Zuhatza uhartea izenekoa geratu zen. Aipatutako eragina Barrundiako udalerrian ere izan zen; Urizar herritik etxe bat baino ez zen geratu, eta gainerakoa urpean.

 

Kaltetutako herrien biztanle gehienek beste herri batzuetara joan behar izan zuten bizitzera, kasu askotan egoera penagarrian. Gehienak Gasteizera joan ziren, baina beste batzuk, berriz, leku askoz urrunagoetara.

 

memoria historica del embalse de ullibarri gamboa
memoria historica del embalse de ullibarri gamboa
memoria historica del embalse de ullibarri gamboa

 

Geuk, geure aldetik, ezin dugu ahaztu jende hark egin behar izan zuen sakrifizioa, Bilbo Handiko eta Gasteizko hiriguneetan gure ongizaterako ur nahikoa izateko utzi behar izan baitzituzten beren etxeak.

Ikusi urtegiaren konparazioa

cabecera documentos

Documentazioa

CAB prueblos del embalse eu

Urtegiko herriak

Eduki publikatzailea

Garaio

Garaio

Ikusi gehiago
Orenin

Orenin

Ikusi gehiago
Marieta

Marieta

Ikusi gehiago
Larrintzar

Larrintzar

Ikusi gehiago
Uribarri Ganboa

Uribarri Ganboa

Ikusi gehiago
Zuhatzu Ganboa

Zuhatzu Ganboa

Ikusi gehiago
Langara Ganboa

Langara Ganboa

Ikusi gehiago
Mendizabal

Mendizabal

Ikusi gehiago
Mendixur

Mendixur

Ikusi gehiago
Larrintzar

Urizar

Ikusi gehiago