Hondartzak - ullibarri-gamboa

Nested Applications

Banner Coronavirus-19 EUS

BAN Playas con bandera azul

Normas de uso de las playas de Garaio y Landa ante el COVID-19 EUS

Garaioko eta Landako hondartzak erabiltzeko arauak, COVID-19a dela eta

Normas de uso de las playas de Garaio y Landa eu

2020ko BAINU SASOIA: ekainaren 13tik abuztuaren 30era.

 

GARAIOKO INFORMAZIO BULEGOA

 

Udako kanpainan, informazio bulegoaren ordutegia honako hau izango da: goizez, 12:00-14:00; eta, arratsaldez, 16:00-18:00.

 

Bisitariak banan-banan sartu behar dira. Salbuespena izango dira adingabeak beren kargura dituzten helduak edo laguntza behar duten pertsonak, eta halakoetan laguntzailea ere sartu ahal izango da.

 

Txandaka barrura sartuko diren pertsonek maskara jarrita eraman behar dute.

 

INGURUMEN INTERPRETAZIOKO JARDUERAK

 

  • Aurretik hitzordua hartuta bakarrik egin ahal izango dira bisita gidatuak oinez, bisita gidatuak bizikletaz eta udako lantegiak.
  • Gehieneko parte hartzaile kopurua ezarriko da, jarduera motaren arabera. Bisita gidatuak oinez eta udako lantegiak egiteko: 8-10; eta bisita gidatuak bizikletaz egiteko: 5-6.
  • Parte hartzaile guztiek maskara ekarri behar dute nahitaez.
  • Ez dira etorri behar COVID-19aren sintomak dituztenak (sukarra, eztul lehorra, arnas sintomak, neke sentsazioa edo gaitzaren beste edozein seinale).

Zer jarduera eskaintzen da? 

 

Bisita gidatuak oinez

Bisita gidatuak bizikletaz

  • Garaio ezagutzen (1,5 ordu)
  • Paseotxoa Landatik Santiagolarrako hezegunera (2,5 ordu)
  • Mendixurko parke ornitologikoa, hegaztientzako paradisua (1,5 ordu)
  • Murgilaren ibilbidea (2,5 ordu)
  • Garaiotik Mendixurrera bizikletaz (2,5 ordu)


 

BIZIKLETEN MAILEGU ZERBITZUA

 

 

Hilabetea

Ordutegia

Ekaina

Ekainaren 13tik 30era.

Astelehenetik ostiralera: 10:00-13:00 eta 16:00-19:30

Larunbat, igande eta jaiegunetan: 10:00-14:30 eta 15:30-19:30

 

Uztaila-abuztua

Abuztuaren 30era arte

Astelehenetik ostiralera: 10:00-13:00 eta 16:00-19:30

Larunbat, igande eta jaiegunetan: 10:00-14:30 eta 15:30-19:30

Iraila Larunbat eta igandetan: 09:30 - 15:00

 

  • Bisitariek beren maskara eraman behar dute, eta kaskoa ere eramatea gomendatuko zaie.
  • Mailegua banaka edo bikoteka egingo da, eta aldi berean asko jota 5-6 laguni. Txanda iritsi arte lerroan itxaron beharko dute, urruntze neurriak betez. Aurrez informazio telefonora deitzea aholkatzen da, bizikletak jaso eta uztean jendea pilatu ez dadin.

 

BILTZEN DEN JENDE KOPURUAREN JARRAIPENA

 

  • Kontrol lanak egiteko langile gehiago jartzea aurreikusi da, bereziki asteburu eta jaiegunetan, zaintza lanetan eta erabiltzaileei argibideak ematen laguntzeko.
  • Jarduteko protokoloan jaso da behar izanez gero miñoiei edo Ertzaintzari deitzea, zirkulazioa kontrolatzeko behar diren neurriak hartzeko.
  • Gogoan izan behar da aparkatzeko gaitutako eremuetan soilik aparkatu ahal izango dela.

 

SOROSLE POSTUAK

 

  • Sorospen zerbitzua: ekainaren 13tik abuztuaren 30era, 12:00etatik 20:00etara.
  • Aurten, Uribarri Ganboako bainu eremuan ez da sorosle posturik egongo.
  • Landako hondartzan zerbitzua indartu da eta sorosle postu bi egongo dira.

 

BAINU EREMUA

 

  • Herritarrei gomendatzen zaie bizikidetza egonkorreko taldetik kanpoko gizarte-topaketak murriztea, baita gizarte-topaketa horiek gehienez 10 lagunenak izatea ere.
  • Hondartzetan egoteko ez da gehieneko denbora mugarik ezarri.
  • Bainua ezarritako ohiko ordutegian hartu beharko da, 12:00etatik 20:00etara, sorosle postuen ordutegiarekin bat etorriz.
  • Urtegitik gertuen dauden eremuetan (hondartzen inguruko zonak) debekatuta egongo dira taldeko kirol jarduerak ordutegi horretan, eta uretan ere bai. Jarduera horiek baimenduta egongo dira parkeetako gainerako egoteko guneetan.
  • Erabiltzaileek uneoro mantendu beharko dute bi metroko gutxieneko segurtasun tartea, bai uretan bai ur ertzean. Herritarrei gogorarazten zaie zigorrak ezarriko direla pertsonen arteko urruntze neurriak ez betetzeagatik.
  • Gomendatzen da bainu laburrak hartzea, uretan denbora luzez ez egotea eta freskatzeko, lehentasunez, dutxak erabiltzea.
  • Aurten, kendu egingo dira haurrentzako bainu gune mugatuak eta aulki anfibioaren zerbitzua.
  • Gomendatzen da ahal den neurrian ez erabiltzea aulki, etzaulki eta mahai eramangarririk, espazio txikiagoa okupatzeko. Debekatuta dago aulkiak eta koltxonetak erabiltzea hondartza ertzean eta uretan.
  • DUTXEN instalazioa egokitu egingo da, hura erabiltzen den bitartean bermatuta egon dadin gutxieneko 2 metroko segurtasun tartea manten daitekeela. Erabiltzaileek banan-banan erabiliko dituzte, eta txandari itxaron bitartean elkarrengandik urruntzeko neurri horiek bete beharko dituzte (2 metro). Salbuespena izango dira laguntza behar duten pertsonak; horiek beste norbaitekin sar daitezke.
  • KOMUNAK pertsona bakarrak erabil ditzake aldi berean, bai emakumezkoen gunean bai gizonezkoenean, salbu adingabeak edo mendekotasunen bat duten pertsonak; horiek beste norbaitekin joan daitezke. Gainerako erabiltzaileek kanpoan itxaron beharko diote txandari. Betiere, osasun agintariek ezartzen dituzten erabilera ratioak beteko dira. Balizatzeko zintaz markatuko dira itxaroteko lekuak, eta beti errespetatu beharko da 2 metroko segurtasun tartea.
  • HARRASKA gunean, pertsonen artean gutxieneko 2 metroko segurtasun tartea bermatzea ahalbidetuko duten txorrotak bakarrik egongo dira erabiltzeko moduan. Zaborrontzi pedaldunak jarriko dira.
  • Landako HAURRENTZAKO JOLASGUNEA irekita mantenduko da, lau metroko gehienezko edukieran pertsona bakarra dagoen bitartean esparruaren gainazal konputagarriaren gunean.

  • Landako PIKNIK MAHAIEN erabiltzaileei gogorarazten zaie nahitaezkoa dela erabili aurretik eta ondoren desinfektatzea, beren segurtasunerako.
  • Arren eskatzen da sortzen diren HONDAKINAK biltzeko, eta berriz erabiltzeko ontziak erabiltzea gomendatzen da. Material oro, hala nola eskularruak, maskarak, gel hidroalkoholikoz zikindutako ahozapiak eta abar, gainerako hondakinen edukiontzira bota behar da, poltsa itxietan.

ARGIBIDE GEHIAGO NAHI IZANEZ GERO, DEITU GARAIOKO BULEGOKO TELEFONORA: 695 78 24 98

playas embalse

Hondartzak

Bandera Urdindun hondartzak

Zein hondartzak dauka Araban Bandera Urdinaren bereizgarria?

Araban hiru hondartza daude 2016az geroztik Bandera Urdinaren bereizgarria dutenak, hirurak Landako eta Garaioko parke probintzialetan.

  • Landa, Arratzua-Ubarrundiako udalerrian
  • Moskurio (Garaio iparraldea), Barrundiako udalerrian
  • Salurriaga (Garaio hegoaldea), Burgeluko udalerrian

Zer da Bandera Urdina?

Bandera Urdina Programa hondartza eta portuentzako borondatezko sari bat da, FEE - Fundación para la Educación Ambiental Gobernuz Kanpoko Erakundeak sortua, itsasertzeko zonen garapen jasangarriaren sustatzaileak bereizten dituena, ingurumen kalitate estandar zorrotzak eskatuz.

Hondartza bateko Bandera Urdinak sustatu eta aitortu egiten ditu ezarritako legezkotasun, irisgarritasun, osasun, ingurumen-hezkuntza, garbitasun eta segurtasuneko irizpideak betetzeko erakunde publikoen eta herritarren ahaleginak.

Zeintzuk dira Bandera Urdina lortzeko irizpideak?

Bandera Urdina duen hondartza batek bete behar dituen irizpideak lau atal handitan banatzen dira:

  • 1. Informazioa eta ingurumen-hezkuntza
  • 2. Uraren kalitatea
  • 3. Ingurumenaren kudeaketa
  • 4. Segurtasuna eta zerbitzuak

Urtero argitara ematen da Hondartzetako Bandera Urdinaren irizpideen interpretazio gida.

Araudia

Animaliak ezin dira bainu eremura sartu

 

Zeharo debekatuta dago etxeko abereak edo animalia etxekotuak uretara eta “bainu eremura” sartzea. Bainua hartzeko erabiltzen den ur geruza eta ondoko legarrezko aldea hartuko da bainu eremutzat. Parkeko gainerako esparruetan, animaliek une oro lotuta egon beharko dute, kateaz edo uhalez eta lepokoz. Horiek guztiak egokiak izango dira animaliaren ezaugarrien arabera.